Moving time  3 hours 24 minutes

Time  5 hours 46 minutes

Coordinates 2745

Uploaded July 22, 2018

Recorded July 2018

-
-
4,093 f
2,971 f
0
2.5
4.9
9.83 mi

Viewed 102 times, downloaded 4 times

near Abades, Galicia (España)

Moi interesante ruta que comeza na aldea de San Paio, no concello de Baltar. Esta aldea, dunha certa grandura, mostra trazas dun pasado máis puxante aínda que esta algo viva. A ruta sobe logo por unha boa pista, polo medio de extensas carballeiras, ata atravesar na parte alta a fronteira con Portugal. Descorre logo polo territorio luso ata a aldea de Sendim que pasa por ser a máis alta de Portugal con 1150 metros e tamén a máis próxima da Galiza pois está case encima da marxe. Malia que dende lonxe se ven as casas ben telladas, o certo é que mostra un grande despoboamente e mesmo abandono.
O seguinte punto de interese é o Coto de Sendim, en cuxa cima seica houbo un castelo mais hoxe non se observa ningún vestixio del (documéntase en 1509 por Duarte de Armas no Livro das Fortalezas). Trátase dun esgrevio rochedo que ten na cima un vértice xeodésico. Dende aquí podemos contemplar unha magnífica panorámica sobre as terras do Barroso, en Portugal; sobre parte da Limia e tamén sobre o Couto Mixto e todo o val do Salas.
Dende aquí só é descender tamén por pistas ata a aldea de San Martiño dos Peros e logo, por estrada, polas de Medos, Sabucedo dos Peros ata o inicio.
No treito de subida ten moita sombra e tamén nalgún tramo da baixada, pero bastante menos.
O desnivel sálvase sen mor dificultade, quitando un pequeniño repecho para subir ao Coto de Sendim. Nesta parte poderíase alterar sen dificultade o trazado e non subir ao mogote...
Como resumo: é unha ruta dunha gran beleza paisaxística, con diversos puntos de interese nas aldeas que atravesa e cunha xente (pouca) moi cordial e disposta e charlar un rato co camiñante.
Tempo indicado para facela: en días claros. Con tempo ventoso pode ser moi desagradable a parte alta. (Se hai neve xa quedaría ao criterio de quen se arriscase a facela.) Na baixada pode chegar a facer calor aínda que estando a esta altitude...
Como único "pero", a fracción de trazado que descorre por asafalto. (Seguindo: https://es.wikiloc.com/rutas-senderismo/san-paio-de-abades-sendim-san-paio-baltar-ourense-25287991)
fountain

Fonte e praza.

Ruins

Muiño

panorama

Panorámica.

Tree

Abetos e piñeiros

Mountain pass

Marco 139

Building of interest

Posto de garda.

Sen uso...
Photo

Sendim

Chama a atención, e mesmo leva á tenrura, a imaxe da señora velliña, posta ao sol e apoiada na porta. Toda vestida de preto, leva a outros tempos...
Photo

Sendim

Summit

Marco 150 e Vértice Xeodésico.

A subida pode dar algún medo pero non resulta excesivamente perigosa (cadaquén que mida as súas posibilidades) e as vistas dende o curuto so espectaculares!
fountain

San Martiño dos Peros.

fountain

San Martiño 2

A fonte do "Movimiento", a campá da antiga escola, as casas sólidas...
fountain

Fontela natural.

...aínda que bastante seca (de non usala, seguro)
Photo

Medos

Sacred architecture

Aldea Sabucedo

Building of interest

San Paio

A (presunta) capela non o é: é un "teleclub"

Comments

    You can or this trail