Coordinates 1202

Uploaded October 16, 2018

Recorded October 2018

-
-
2,353 f
816 f
0
2.2
4.3
8.67 mi

Viewed 274 times, downloaded 4 times

near Campodola, Galicia (España)

Da información dos carteis da ruta, sacamos:

“Un pregamento xeolóxico é unha ondulación das capas superiores da codia terrestre provocada polo movemento das capas máis profundas da terra. Grazas a erosión, neste monte de Campadola e Leixazós apréciase con nitidez o proceso de pregamento.

Trátase dun sinclinal, é dicir, un pregamento de forma cóncava na que o eixo de flexión foi orixinalmente vertical. A forza tectónica fixo que as capas pregadas se curvasen ata que o eixo quedou en posición horizontal.

O pregamento de Campodola-Leixazós constitúe un exemplo típico do que se denomina pregamento deitado. As capas que o compoñen conteñen minerais de periodos xeolóxicos distintos: cuarcitas de ton claro do periodo Arenigiano (478-488 millóns de anos) e zonas de vexetación con lousa do Ordovícico Medio (458-478 millóns de anos). Enriba desta gran estrutura existiu outro pregamento de tamaño similar orientado en dirección inversa, un anticlinal, que despareceu a causa da erosión.

Este monte é un dos monumentos xeolóxicos máis valioso do mundo, polo que está catalogado como Lugar Xeolóxico de Relevancia Internacional, relativo ao Oróxeno Varisco.

O pregamento de Campodola amósanos que o solo, as rochas e as montañas, que nos parecen eternas e inmutables, móvense e cambian de forma. As veces en segundos ou en días (terremotos, volcáns) pero case sempre ao longo de milleiros ou millóns de anos. Xeneralmente só os minuciosos estudos dos xeólogos son capaces de descubrilos ou entendelos.

¿Por que é tan importante? Sinxelamente porque este monte ensínanos, á luz do sol, o que ocorre nas entrañas da terra, invisible aos nosos ollos.”



A ruta

“Esta ruta de sendeirismo consta de dous tramos ben diferenciados. O primeiro, partindo de Leixazós, percorre o val do río Ferreiriño polas dúas beiras do río ofrecendo espectaculares vistas, tanto do val como das formacións asociadas ao pregamento xeolóxico. O sendeiro avanza entre carballeiras e vexetación autóctona.

No segundo tramo da ruta cambiaremos de val para dirixirnos, por pistas de terra entre piñeiros, cara Campos de Vila.”

Engado eu que sendo a ruta lineal teremos que usar un segundo coche de apoio ou ben volver de regreso a Leixazós sobre as nosas pegadas e dado que o treito entre o Alto do Castelín e Campos de Vila ten moi pouco interese e supón subir de novo, a miña proposta é de seguir baixando polo val ata acadar o núcleo urbano de Quiroga. Se así o facedes, podedes realizar o roteiro collendo un taxi no centro que vós leve ata o comezo en Leixazós.

View more external

Photo

A Ribeira

Aldea do concello de Quiroga.
Photo

A Toca

Aldea no concello de Quiroga.
Mountain pass

Alto do Castelin

Divisoria entre os vals do río Ferreiriño e Quiroga.
Photo

Arxubin

Lugar do concello de Quiroga.
Photo

Camiño

Vieiro entre Leixazós e Campodola.
Photo

Campos de Vila

Aldea do concello de Quiroga.
Waypoint

Comezo Pregamento

Punto de inicio da ruta en Leixazós.
Photo

Lamela

Lugar no concello de Quiroga.
Photo

Leixazos

Aldea do concello de Quiroga, punto de inicio do noso roteiro.
Bridge

Pasarela 1

Pasarela de madeira sobre o río Ferreiriño.
Bridge

Pasarela 2

Pasarela de madeira sobre o regato Regueiral.
Photo

Paseo

Paseo fluvial do río Quiroga.
Photo

Pregamento

Pregamento xeolóxico de Campadola.
Refuge

Quiroga

Concello na provincia de Lugo e porta de entrada ao Courel.
Photo

Revide

Aldea no concello de Quiroga.
River

Rio Ferreiriño

Pequeno tributario do río Quiroga.
River

Rio Quiroga

Afluente do río Sil pola marxe dereita.
Ruins

Sequeiro 1

Sequeiro de castañas.
Ruins

Sequeiro 2

Sequeiro de castañas.
Tree

Souto

Bosque de castiñeiros entre Leixazós e Campodola.

Comments

    You can or this trail