Time  5 hours 18 minutes

Coordinates 1679

Uploaded May 6, 2018

Recorded May 2018

-
-
4,315 f
2,356 f
0
2.0
4.1
8.11 mi

Viewed 375 times, downloaded 5 times

near Arantzazu, País Vasco (España)

Aloña mendilerroaren zeharkaldia egin nahi duenak bost tontor igo beharko ditu, eta beharbada nekatu egingo da, baina damutu ez. Egun ez oso argian ikusmira ederrak izan bagenituen, jakin nahiko nuke eguzki egun argitsu batean zenbat irabazten duen.

Ibilbide honen hasiera Arantzazuko aparkalekua da. Dururuntz abiatu eta pista hartuta ekialdera Gorgomendiraino eramango gaitu. Behin Gorgomenditik aurrera hasiko da haitz eta harri artean ibili beharra. Egia esan harkaitz artean ibiltzea ez da erraza eta arriskutsua ere suertatu daiteke, baina paraje berezi horietan gailur bakoitzak pozez betetzen du.

Aloñaren zeharkaldi guztia marra horiez markatua dago eta biderik ez dagoela ematen duen lekuetatik barrena eramango gaituzte markok.

Gaurko bidea 12 eta 10 urteko haurrekin egin da eta nekatu badira ere, egitea lortu dute. Egia esan metatutako pendiza nahiko handia izanda (900 metro inguru) egindako kilometroak ez dira asko, nahiz eta tontor arteko ibilaldian kilometro bakoitza luze joaten den harrizko bidea tarteko.

Gure kasuan lehenengo Gorgomendi izan zen, gurutze gunea. Bistak ederrak badira ere, gorago ikusten dugun Kurutzetzar tontorra gu bertara gaitezen “ohiuka” dagoela dirudi. Igoera ez da zaila, eta haitzen artean ibiltzen ohitzeko lehen tartea da. Gailurra baino metro gutxi batzuk lehenago ibilbide osoko unerik arriskutsuena pasako dugu, hamarren bat metroan pasabide aereoa dugu, ezkerrera metro batera amildegi beldurgarria baitago.

Handik aurrera, ondorengo ibilbidea gailurra igo gailurra jaitsi izango da (Putreaitz, Arkaitz, Urrabiatza, Arriurdin) beti haitz artean. Arriurdinetik Biozkorniako lepoera eta Durura iritsita, Arantzazura hanketan nahiko karga dugula ordurako. Polita da Durutik jaisten hasi aurretik egindakoari azken bistadizoa eskaintzea Aloñari, barrenak pixka bat puztu eta azken kilometroak harrotasunez errazago egiteko.
Summit

Arkaitz

Summit

Arriurdin

Shelter

Aterpea

Summit

Gorgomendi

fountain

Iturria (Aloña)

Summit

Kurtzezar

Summit

Putreaitz

Summit

Urrabiatza

Comments

    You can or this trail